2014-02-06
ZUZENDARIARI

VELEIAKO AFERA

Larunbatean (14-02-01) BERRIAko kazetari batek idatzi zuen, Veleiako aferari dagokionez, 2009an Hector Iglesiasek « benetakotasunaren aldeko txostena » kaleratu zuela. Hori ez da egia.

Nire artikuluan (CNRSen webgune ofizialean publikatutako ikerketa luze bat) idazten nuen : euskal linguistikari dagokionez eta gaur egun nazioarteko filologoek dakitenaren arabera, ezin da baieztatu, zenbaitek egiten duten bezala, Veleiako idazkunak faltsuak direnik. Eta garai hartan unibertsitateko doktore eta irakasle batzuek, haien artean bizpahiru katedradun zirela, gauza bera idatzi zuten.

Ondorioz, Europako hiru laborategi independentek —Europako mundu zientifikoan horrelakoetan beti gertatzen ohi denez— konfirmatzen baldin badituzte Madrilgo laborategiak ateratako konklusioak, orduan, dudarik gabe, historiako faltsutze harrigarrien eta sofistikatuenetariko baten aurrean egongo ginateke.