Ésta es la historia de un chavalote
que se creía muy listo...
BERRIA, 2009-11-19
IKER-i buruzko baieztapen zenbaiten inguruan
IKER (UMR5478) laborategiaren webgunean oraintsu emandako mezu batean, gure laborategiak bi ohar egiten zituen.
Lehena, laborategian postuan den ikerlari bakar batek ere ez duela auzitan jartzen EHU Euskal Herriko Unibertsitateko aditu batzordeak prestatu txostena.
Bigarrena, besterik aditzera eman dezaketen adierazpen guztiak, non-nahi gertatzen direla, ofizialki gezurtatzen ditugula.
Hector Iglesias jaunak publikatu berri den elkarrizketa batean (BERRIA, 2009ko azaroaren 18a) ohar horiek orokorregitzat eta funtsean lausotzat jotzen dituenez, kontu ttipi hau behin betiko argitzeko moduan zehaztu nahi nuke.
Batetik, Hector Iglesias jauna ez da IKER-eko kide. IKER-eko ikerlariak CNRSn, UPPAn eta Bordele 3n jardunean diren ikerlari eta irakasleak dira, eta ikerketa-kontratu baten bidez haiekin batera proiekturen batean lanean ari diren ingeniari, doktoregai eta postdoc-ak.
IKER-ek baditu horrezaz gainera kide asoziatuak, laborategia lau urteko berritua den aldioro izendatuak direnak. Kide asoziatu horiek IKER-ekin kolaborazio jarraitua duten mundu osoko ikerlariak dira.
Iglesias jauna ez dago ez lehenbiziko sailean, ez bigarrenean ere.
Azkenik, berretsi nahi nuke, laborategiak lehengo mezuan egin zuen bezala, IKER laborategian postuan diren ikerlarietarik bakar batek ere ez duela auzitan jartzen EHUko adituek prestatu txostena.
Gauzak honenbestez behar bezala argituak gelditzen direla espero dut.
Ricardo Etxepare.
... pero que resulta que al final acabó tropezando con más listo que él
BERRIA, 2009-11-21
Ricardo Etxepare jaunaren memoria selektiboa
Ricardo Etxepare jaunak, CNRSeko IKER laborategiko zuzendari berriak, memoria selektibo bat dauka. Eta duela gutxitik « zuzentzen duen » ikergunearen ezagutza bat oso kuriosoa. Dudarik ez. Beraz, memoria freskatuko diogu.
Ricardo Etxepare jaunak idazten du: « Hector Iglesias jauna ez da IKER-eko kide ». Eskerrak ematen dizkiot informazioarengatik. Baina nik baditut hemen, nire begien aurrean, frantses dokumentu ofizial batzuk -BERRIAko zuzendariari kopia bat igorri diot-. Eta zer diote Frantziako Errepublikako dokumentu ofizial horiek?
Haietarik batean, gaur egun Euskaltzainburuordea den Aurelia Arkotxa andereak ofizialki izenpetutako dokumentu ofizial bat, ondoko esaldi hau idatzia da -frantses hizkuntzan izkiribaturik, hau da Frantzian dokumentu ofizialetarako hizkuntza ofizial bakarra-: « M. IGLESIAS est membre d'IKER-UMR 5478 du CNRS ».
Eta bigarren dokumentu ofizialean, orain arte Euskaltzainburuordea izan den Bernard Oyharçabal jaunak ofizialki izenpetutako dokumentu ofizial bat, irakur daiteke: « M. Iglesias a acquis une expérience d'enseignant dans le [enseignement] supérieur (...) Il appartient par ailleurs au Centre de Recherche sur la Langue et les Textes basques (UMR 5478, Université de Bordeaux 3 - UPPA - CNRS) ».
Azkenik, ikerketa-artikulu bat argitaratzen dudan bakoitzean IKER deritzan Euskarari eta Euskal Testuei buruzko ikergunearen aipamen ofiziala beti agertzen da automatikoki nire deituraren azpian.
Beraz, zer erran nahi du Ricardo Etxepare jaunaren esaldiak? Esaldi horrek erran nahi du Ricardo Etxepare jaunak IKER-etik « kanporatzen » nauela Iruña-Veleiako aferan ikerketa zientifiko libre bat aurrera eramateagatik eta defendatzeagatik.
Nik 2.000 orrialdeko tesi bat (Eusko Ikaskuntzak eta Baionako hiriak saritutakoa), hiru liburu eta 30 ikerketa-artikulu (1.000 orrialde inguru) nazioarteko aldizkari zientifiko batzuetan argitaratuak ditut. Etxepare jauna bezalako frantses funtzionarioek ez naute inpresionatzen, ezta sekulan inpresionatuko ere.
Nahiz eta azken urteotan Euskal Herriko aldizkari zientifiko guztietan zentsuratua naizen, beti segituko dut, zentsura guztien gainetik -besteak beste Etxepare jaunarena eta bere lagunena- ikerketa zientifiko bat, kalitatezkoa eta maila handikoa, egiten eta bultzatzen eta baita ere Europako maila handiko aldizkarietan nire ikerketak argitaratzen -gero eta gehiago nire ikerketak onartzen dituzten aldizkarietan eta hemen eskertzen ditudanak-.
Hector Iglesias. Baiona.
